सोलुखुम्बु ः सोलुखुम्बुको थुलुङ दुधकोशी गाउँपालिकामा पुस २५ गते देखि अध्यक्ष कप तथा राष्ट्रपति रनिङ शिल्ड प्रतियोगिता सुरु हुने भएको छ । थुलुड्बिङ दुधकोशी गाउँपालिकाले एक सुचना जारी गर्दै अध्यक्ष कप तथा राष्ट्रपति रनिङ शिल्ड प्रतियोगिता सुरु हुने जानकारी गराएको हो ।
गाउँपालिका अध्यक्ष असिम राईको अध्यक्षतामा बसेको कार्यपालिका बैठकले प्रतियोगिताका लागि गाउँपालिका उपाध्यक्ष सबिता राईको संयोजकत्वमा एक समिति समेत गठन गरेको छ ।
समितिले विभागिय जिम्मेवारी बाडफाड र कार्यक्रमको तयारी गरिने बताइएको छ । राष्ट्रपति रनिङ शिल्ड प्रतियोगितामा पालिका भित्रका १० वटा माध्यमिक विद्यालयको सहभागिता रहने छ । अध्यक्ष कपमा भने प्रत्येक वडाबाट महिला तथा पुरुष खेलाडीहरुको सहभागीता हुने छ । पुस २९ गते सम्म जारी रहने प्रतियोगीतामा २७ गते देखि देशका ख्याती प्राप्त कलाकारहरुको साथमा सांगितिक सँझ हुने थुलुङ दुधकोशी गाउँपालिकाले जनाएको छ ।
