सोलुखुम्बुमा गुटगत राजनितिको अन्त्य भएको सभापती शेर्पाको उद्घोष

सोलुखुम्बु ः सोलुखुम्बुमा काङग्रेस भित्रको गुटगत राजनितिको अन्त्य भएको जिल्ला सभापती नाम्गेल जाङ्बु शेर्पाले बताउनु भएको छ । आसन्न निर्वाचनमा उम्मेदवार छनौटका लागि बसेको जिल्ला कार्य समितिको बैठकलाई सम्बोधन गर्दै शेर्पाले गुटको राजनिति अन्त्य भई सहमतिको राजनिति प्रारम्भ भएको उद्घोष गर्नुभएको हो ।
सभापति शेर्पाले विगतमा निषेधको राजनितिले निराशाजन नतिजा दिएको भन्दै अब एक ढिक्का भएर पार्टीलाई अगाडी बढाउने धारणा राख्नु भयो ।
आसन्न निर्वाचनमा उम्मेदवार छनौटका लागि काँग्रेस सोलुखुम्बुको जिल्ला कार्य समितिको बैठकमा दुवै समुहका नेताहरु सहभागी भएका छन् । पार्टी कार्यालय बसन्तबजारमा भएको बैठकमा केन्द्रिय सदस्य बलबहादुर केसी र अर्का केन्द्रिय सदस्य आङगेलु शेर्पा समुहका नेताहरु सहभागि भएका थिए ।
जिल्ला सभापति नाम्गेलजाङ्बु शेर्पाको सभापतित्वमा बसेको बैठकमा केन्द्रीय कार्य सम्पादन समिति सदस्य बलबहादुर केसी, पार्टीका केन्द्रिय सदस्य आङगेलु शेर्पा, पुर्व जिल्ला सभापति विनोद बस्नेत, छत्रध्वज बस्नेत लगायतका नेता तथा कार्यकर्ताको उपस्थिति रहेको थियो।