सोलुखुम्बुका डीएसपी द्वारीका प्रसाद घिमिरे सहित अन्य २ प्रहरी पुरस्कृत

सोलुखुम्बुु। सोलुखुम्बुका डीएसपी द्वारीका प्रसाद घिमिरे सहित अन्य २ जना पुरस्कृत भएका छन् । प्रदेश प्रहरी कार्यालयले दुर्गम क्षेत्रमा रहेर नागरिकको सेवामा दिनरात खटिएको भन्दै उहाँहरूलाई सम्मान गरेको हो ।
शनिबार जिल्ला प्रहरी कार्यालय सोलुखुम्बु अवलोकन भ्रमणमा आइपुग्नुभएका कोशी प्रदेश प्रहरी प्रमुख प्रहरी नायब महानिरीक्षक राजन अधिकारीले उहाँहरूलाई सम्मानित गर्नुभएको हो । पुरस्कृत हुने प्रहरी अधिकारीहरूमा डीएसपी घिमिरे सहित प्रहरी हवलदार गणेश प्रसाद चौधरी, प्रहरी जवान खगेन्द्र बहादुर मगर रहनुभएको छ ।

यस्तै जिल्ला प्रहरी कार्यालय सोलुखुम्बुले प्रहरी हवलदार सन्तोषी चौधरीलाई पुरस्कृत गरेको छ । हरेक वर्ष नारी दिवसको दिन जिल्लामा एकजनालाई पुरस्कृत गरिदै आएकोमा यस वर्ष चौधरीलाई उक्त पुरस्कार प्रदान गरिएको हो । चौधरीले प्रहरीको रुपमा खटिएर नागरिक सेवामा दिएको योगदानको कदर गर्दै उनलाई जिल्ला प्रहरी कार्यालयले पुरस्कृत गरेको कार्यालय प्रमुख डीएसपी द्वारीका प्रसाद घिमिरेले बताउनुभयो ।