सोलुखुम्बु । सोलुखुम्बुको महाकुलुङ गाउँपालिकाको प्रशासकिय शिलान्यास गरिएको छ । आज (मंगलबार) गाउँपालिका अध्यक्ष सुर्य बहादुर कुलुङको अध्यक्षतामा कुलुङ परम्परा अनुसार गाउँपालिकाको प्रशासकिय भवनको शिलान्यास गरिएको हो ।
गाउँपालिकाको प्रशासकिय भवन स्थानीय पुर्बाधार बिभागको ६० प्रतिशत र गाउँपालिकाको ४० प्रतिशत गरी कुल ६ करोड ७४ लाख रुपैयाँ बरावरको लागतमा निर्माण हुन लागेको हो । बिः के एस के कन्ट्र्सनसँगको सम्झौता अनुसार १८ महिनामा निर्माण सम्पन्न गरी पालिकालाई हस्तान्तरण गर्नु पर्ने छ । हाल गा.बि.स. को कार्यालयबाट सेवा प्रवाह गर्दै आइरहेको महाकुलुङ गाउँपालिकाले १८ महिना पछि आफ्नै सुविधा सम्पन्न ४ तले भवनको एउटै गेट भित्रबाट स्वास्थ्य, शिक्षा, कृषि लगायतको सेवा प्रदान गर्ने छ । २९ कोठा र दुई ओटा कार्यक्रम हल सहितको उक्त प्रसाशकीय भवनको डिजाइन मौलिक वास्तुकलामा आधारित हिमालयन तिब्बतीयन आर्किटेक्चरमा आधारित हुने गाउँपालिकाका निमित्त प्रमुख प्रसाशकीय अधिकृत खरीधन कुलुङले जानकारी दिनुभयो ।
