सोताङ गाउँपालिकामा खानेपानीको समस्या समाधान गर्न पम्पिङ डिप बोरिङ सुरुवात

सोलुखुम्बु, असार १९ । सोलुखुम्बुको सोताङ गाउँपालिकामा खानेपानीको समस्या समाधान गर्न डिप बोरिङ सुरुवात गरिएको छ । आज विहिबारबाट सोताङ गाउँपालिका १ गौरीटारमा डिप बोरिङ सुरुवात गरिएको हो ।

पानीको अधिक समस्या भएकाले डिप बोरिङ मार्फत खानेपानी खुवाउने लक्ष्य अनुरुप आजबाट काम थालिएको पालिकाका सूचना अधिकारी अरुण बस्नेतले जानकारी दिनुभयो । पहिले नै सर्वेक्षण गरेर काम थालिएकाले २/३ दिनमा नतिजा आउने विश्वास लिइएको छ ।

पहाडी भेगमा पानी खुवाउदै आएको टिमसँग सहकार्यमा मेसिन ल्याएर काम थालिएको सूचना अधिकारी बस्नेतले बताउनुभयो । पालिकाको २/३ दिन ठाउँमा जमिन मुनीको निकाल्ने योजना रहेकाले ८ सय देखी हजार घर परिवार लावांभित हुने जनाइएको छ ।

खानेपानीसँगै सिचाईको लागि पनि डिप बोरिङको कोशिस गर्ने लक्ष्य रहेको बताइएको छ । सोताङ गाउँपालका जमिनमुनीबाट पानी निकाल्ने जिल्ला कै पहिलो स्थानीय तह बन्ने निश्चित देखिएको छ ।