बाँकेको डुडुवा गाउँपालिका-२ बेतहनीमा पानी बोक्ने ट्यांकरले ठक्कर दिँदा दुई जना बालकको घटनास्थलमै मृत्यु भएको छ । आइतबार अपराह्न साढे ३ बजेतिर भे१ख ४१०७ नम्बरको ट्यांकरको ठक्करबाट स्थानीय विशाल गोडिया र शिवकुमार गोडियाको मृत्यु भएको हो ।
स्थानीयका अनुसार दुवै जना बेतहनीको नौरीगढी एकेडेमीमा एलकेजीमा अध्ययनरत थिए । स्कुलबाट फर्किदै गर्दा बेतहनी चोकमा ट्यांकरले उनीहरूलाई ठक्कर दिएको थियो । ठक्करबाट सुरुमा सडकमा लडेका उनीहरू चिच्याउँँदै गर्दा ट्यांकरले किचेको प्रत्यक्षदर्शीले जानकारी दिए ।
प्रहरी र स्थानीय बासिन्दाबीच झडप भइरहेको छ । चालकलाई कारबाहीको माग गरेका स्थानीय बासिन्दाले प्रहरी चौकी बेतहनी घेरेका छन् । साथै, अहिले स्थानीयले प्रहरी चौकीमा आगजनी समेत गरिदिएका छन् । प्रहरीले चालकलाई लुकाएको भन्दै उनीहरू आक्रोशित भएका हुन् ।
जिल्ला प्रहरी कार्यालय बाँकेका प्रवक्ता एवम डीएसपी दीपक पातलीले दुई बालकको शव घटनास्थलमै राखेर प्रदर्शन भइरहेको बताउनुभयो ।
Leave a Reply