८५ लाखको विषयमा बोले गाउँपालिका अध्यक्ष कुलुङ

महाकुलुङ गाउँपालिका अध्यक्ष सुर्य बहादुर कुलुङले आफ्नो धारणा सार्वजनिक गर्नु भएको छ । गाउँको खबरले स्थानियबाट उठाइएको ८५ लाख बढी रकम अध्यक्षको खातामा शिर्षकमा समाचार प्रकाशन गरेपछि अध्यक्ष कुलुङले आफ्नो धारणा सार्वजनिक गर्नु भएको हो ।
उहाँले आफ्नो सामाजिक सञ्जाल फेसबुकको प्रयोग गर्दै यस्तो लेख्नु भएको छ । “धेरै मैले हेरे बैकमा पैसा जम्मा भैसकेको छ र केही पैसा फेरि जम्मा हुन्छ र हुदैछ कुनै पैसा एक रुपैया पनि केही भको छैन र हुदैन अफ्नो ब्यस्तले गर्दा हो।”
महाकुलुङ गाउँपालिकाका एक वर्ष अघि राष्ट्रिय प्रशारण लाइन जडानका लागि आवश्यक मिटर बक्स खरिद गर्ने भनि २४ सय ३३ विद्युत उपभोक्ताबाट ८५ लाख १५ हजार ५ सय रुपैया संकलन गरिएको थियो । एक वर्ष विति सक्दा पनि मिटर बक्स खरिदका लागि कुनै पक्रीया अगाडी नवढाइए पछि गाउँपालिका अध्यक्ष कुलुङको सामाजिक सञ्जालमा तिब्र आलोचना भएको थियो ।
गत आ।व। २०८०÷०८१ को पौष ५ गते बसेको कार्यपालिकाको वैठकमा अध्यक्ष स्वयमले रकम संकलनका लागि प्रस्ताव पेश गरेका थिए । महाकुलुङ गाउँपालिका भित्रको विद्युतको समस्यालाई मध्यनजर गर्दै सबै कार्यपालिका सदस्यले उक्त प्रस्तावलाई अनुमोदन गरेका थिए । लगत्तै गाउँपालिकाले प्रत्येक वडालाई उक्त रकम संकलनका लागि निर्देशन गरेको थियो । उक्त निर्देशन पश्चात महाकुलुङ गाउँपालिकाको पाँच वडाबाट प्रतिघर तीन हजार पाँच सय रुपैंयाँको दरले रकम संकलन गरिएको थियो । हाल उक्त रकम सामुदायिक ग्रामीण विद्युतीकरण वितरक संस्थाको खातामा केही जम्मा भई सकेको र केही जम्मा गर्न बाँकी रहेकोे गाउँपालिका अध्यक्ष कुलुङले जानकारी दिनुभयो ।