प्रधानमन्त्री केपी शर्मा ओलीले पर्यटन क्षेत्रलाई थप उचाइमा पु¥याउने विश्वास व्यक्त गर्नु भएको छ । आज (शनिवार) ङिम दोर्जी शेर्पा पर्यटन सडकको उद्घाटन गर्दै प्रधानमन्त्री ओलीले सगरमाथा क्षेत्रलाई सडक सञ्जालले जोडीए सँगै खुम्बुमा थप पर्यटन विकासमा सहयोग पुग्ने विश्वास व्यक्त गर्नु भएको हो ।
सोलुखुम्बु पर्यटकीय सम्भावनाले भरिपुर्ण जिल्ला मात्र नभएर साहसिक व्यक्तित्वहरूको जिल्ला समेत भएको उल्लेख गर्नु भयो । राष्ट्रिय विभूति पासाङ ल्हामु शेर्पा र तेन्जिङ नोर्गे शेर्पा जस्ता विश्वविख्यात साहसिक व्यक्तिहरूको जन्मभूमि भएको भन्दै सोलुखुम्बुकाे पर्यटन क्षेत्रलाई प्राथामिक्तामा राखेर विकास गर्नु पर्नेमा जोड दिनु भयो ।
त्यस्तै उहाँले जनतालाई आर्थिक रूपमा सबल बनाउने गरी विकासका कार्यक्रम अगाडि बढाउन सरकार तयार रहेको समेत उल्लेख गर्नु भायाे । सडकको स्तरोन्नति र पूर्वाधारको विस्तारले यहाँको पर्यटन व्यवसायलाई नयाँ उचाइमा पु¥याउने प्रधानमन्त्री ओलीको भनाई थियो। निर्विकल्प हवाई यातायात मात्र रहेको यस क्षेत्रमा सडक सञ्जालसँग जोडीए सँगै आन्तरीक तथा वाह्य पर्यटकलाई समेत सहज भएको छ । कार्यक्रममा प्रधानमन्त्री ओली सँगै रक्षा मन्त्री मानविर राईको समेत उपस्थिति रहेको थियो ।
