पूर्वउपप्रधान एवं गृहमन्त्री भीम रावलले आफू अब एमाले, माओवादी, कांग्रेस वा एकीकृत समाजवादी कुनैपनि दलमा प्रवेश नगर्ने र सहकार्य नगर्ने बताएका छन् । एक टेलिभिजन कार्यक्रममा पत्रकार सँग कुरा गर्दै उनले बरु काठमाडौं महानगरपालिका प्रमुख बालेन्द्र शाहले दल खोलेको खण्डमा उनलाई साथ दिन आफू तयार रहेको बताए हुन् ।
‘बालेन शाहजीले म कुनै दल खोल्छु, मेरो यस्तो नीति हो भनेर ल्याउनु भएको छैन । नल्याएको कुरामा अहिले कल्पना गरेर यस्तो हुन्छ, उस्तो हुन्छ भन्ने कुरा सुहाउँदैन । यदि त्यो बाटोमा जान्छु भनेर उहाँ आउनुभयो भने उहाँजस्तो युवालाई म साथ दिन जहिलेपनि तयार हुन्छु नि । उहाँले यदि पार्टी खोल्नुभयो र त्यो पार्टीले नेपालको सर्बोपरी हितलाई केन्द्रमा राखेर अहिले नेपालका जुन समस्याहरु छन्, त्यसलाई समाधान गर्छौं भनेर उहाँले भन्नुभयो भने उहाँसँग सहकार्य नहुनुपर्ने के कुरा छ र रु तर, त्यो काल्पनिक कुरा हुन्,’
साथै, दुर्गा प्रसाईँले भ्रष्टाचारको विरोध र देशको हितमा काम गरेको खण्डमा उनीसँग पनि सहकार्य हुने नेता रावलले बताउनु भयो। देशको अर्थतन्त्र, राजनीति, सुरक्षा, वैदेशिक सम्बन्ध सबैमा देशको हित सर्वोपरी राख्नेहरुसँग आफ्नो सहकार्य हुने रावलको भनाइ छ ।
