सोलुखुम्बुको खुम्बु क्षेत्रमा बारम्बार भुकम्पको धक्का महसुस गरिएको छ । मंगलबार विहान गएको ७ म्याग्नीच्युट भुकम्पको पराकम्प बारम्बार गइरहेको हो । जसले गर्दा स्थानियमा त्रास पैदा भएको छ । आज बिहान ३ः३० बजेको समयमा र ५ः३० बजे दिङबोचे क्षेत्रमा भूकम्पका पराकम्प महसुस गरिएको थियो ।
त्यस्तै बिहान ९ः३० बजे थाम्बुचे क्षेत्रमा र साँझ ५ः३० बजे लुक्ला तथा पैयाँ क्षेत्रमा पनि पराकम्पका झट्काहरू अनुभव गरिएको जिल्ला प्रहरी कार्यालय सोलुखुम्बुले जनाएको छ । प्रहरी नायब उपरीक्षक द्वारिका प्रसाद घिमिरेका अनुसार बारम्बार भुकम्पको पराकम्प गइरहनुले स्थनिय बासिन्दामा त्रास पैदा भएको छ । चिनकाे सिकात्से नजिकै केन्द्रविन्दु बनाएर गएकाे ७ म्याग्निच्युटकाे भुकम्पमा परि हाल सम्म १२६ जना चिनिया नागरिककाे ज्यान गएकाे छ, भने १८८ जना भन्दा बढी घाइते भएकाे विदेशी सञ्चार माद्यमले जनाएका छन् ।
