नेकपा माओवादी केन्द्रका अध्यक्ष पुष्पकमल दाहाल प्रचण्डले बर्तमान सरकार अप्राकृतिक तथा लामो समय सम्म नचल्ने बताउनु भएको छ । शुक्रबार सिंहदरबारमा विपक्षी दलहरूसँगको छलफलपछि सञ्चारकर्मीसँग कुरा गर्दै पूर्वप्रधानमन्त्री समेत रहेका प्रचण्डले यस्तो बताउनु भएको हो ।
उहाँले नेपाली कांग्रेस र नेकपा एमाले मिलेर बनेको सरकार अप्राकृतिक भएकोले अब लामो समय सम्म नटीक्ने दावी समेत गर्नु भयो ।
प्रचण्डले हिजो र आज विपक्षी दलका नेताहरूसँग छलफल गरेका थिए । समाजवादी मोर्चामा सहभागी दलहरूसँग मोर्चालाई सक्रिय बनाउनेबारे छलफल भएको प्रचण्डको भनाइ छ ।
