उपप्रधानमन्त्री सिंह भोली सोलुखुम्बु आउँदै

नेपाल सरकारका उपप्रधान एवं सहरी विकास मन्त्री प्रकाशमान सिंह सोलुखुम्बु आउनु हुने भएको छ । नेपाली कांगग्रेस सोलुदुधकुण्ड नगरकार्य समितिद्धारा आयोजित एक सय दिने घरदैलो जागरुक अभियान कार्यक्रमलाई सम्बोधन गर्न सोलुखुम्बु आउन लाग्नु भएको हो ।
नेपाली कांग्रेसका पुर्व महामन्त्री समेत रहेका उपप्रधान तथा सहरी विकास मन्त्री सिंह प्रमुख अतिथिको रुपमा सोलुखुम्बु आउन लाग्नु भएको हो । कार्यक्रममा सोलुदुधकुण्ड नगरपालिकाको प्रशासनिक भवनको शिलान्यास गर्ने तयारी समेत गरिएको छ । कार्यक्रममा केन्द्रीय सदस्य अमृत अर्याल, पुर्वमन्त्री तथा पार्टी केन्द्रीय सदस्य बल बहादुर केसी, केन्द्रिय सदस्य आङ गेलु शेर्पा, जिल्ला सभापति नाम्गेल जाङ्बु शेर्पा लगायतका नेताहरुको उपस्थिति रहने जनाइएको छ ।
जिल्ला समन्वय समितिको प्रांगणमा हुन लागेको कार्यक्रमको सम्पुर्ण तयारी पुरा भएको छ । कार्यक्रमलाई सभ्य र भब्य बनाउनका लागि जिल्ला बासी सम्पुर्णलाई उपस्थितिका लागि नेपाली गांग्रेस जिल्ला कार्य समिति सोलुखुम्बुले अनुरोध गरेको छ ।