काठमाडौँ । पूर्वराजा ज्ञानेन्द्र शाहको राहदानी रद्द हुने भएको छ । शनिवार सरकारले पूर्वराजा शाहको राहदानी रद्द गर्ने प्रक्रिया थालेको हो ।
शुक्रवारको हिंसात्मक आन्दोलनको निर्देशन उनैबाट भएकाले छानबिन थालिएपछि विदेश भाग्ने आशंकामा उनको राहदानी रद्द गर्ने प्रक्रिया अघि बढाइएको स्रोत जनाएको छ । स्रोतका अनुसार ‘हिजोको हत्या, आगजनी र लुटपाटको फिल्ड कमाण्डर दुर्गा प्रसाई हो तर उसलाई अघिल्लो दिन बोलाएर निर्देशन दिने तथा आर्थिक स्रोत जुटाउने व्यक्ति ज्ञानेन्द्र शाह हुन् भन्ने पुष्टि भइसकेको छ ।
