सोलुखुम्बु। सोलुखुम्बुका स्थानीय तहको अधिकांश वेबसाइटमा समस्या देखिएको छ । सोलुदुधकुण्ड नगरपालिका सहित जिल्लाका सबै पालिकाको वेबसाइटमा समस्या देखिएको हो ।
सोलुखुम्बु जिल्लामा सात पालिका सहित एक नगर पालिका रहेको छ । पछिल्लो समय स्थानिय तहको वेबसाइटमा निरन्तर समस्या देखिँदै आएको छ । वेबसाइटमा समस्या देखिएपछि स्थानीय तहहरूले प्रकाशित गर्ने सूचना, जानकारीसहित विभिन्न प्रशासनिक र सामाजिक सुरक्षाको सेवाहरूमा असर परेको छ ।
संघीय मामिला तथा सामान्य प्रशासन मन्त्रालयका प्रवक्ता कालीप्रसाद पराजुलीका अनुसार देशभरकै स्थानिय तहको वेबसाइटमा समस्या देखिएको छ । प्राविधिक कारण स्थानीय तहका वेबसाइट नचलेको र वेबसाइटको मर्मत कार्य जारी रहेको प्रवक्ता पराजुलीले जानकारी दिए ।
