काठमाडौं । अवैध हतियार सहित एक जना पक्राउ परेका छन् । जिल्ला प्रहरी कार्यालयबाट खटिएको प्रजरी टोलीले बिहीवार पोखरा म.न.पा वडा नं.२२ खाल्से स्थित चिसाखोला बस्ने ५२ वर्षीय भेष बहादुर गुरुङलाई पक्राउ गरेको हो ।
प्रहरीलाई आरोपित गरुङको घरमा जुवा खेलिरहेको भन्ने गोप्य सूचना प्राप्त भएको थियो । त्यसैमा उनको घरमा राति पौने १ बजे तलासी गर्दा हर्नेट १ नाल सोही हतियारमा लाग्ने गोली २४ राउण्ड र सोही हतियारमा लाग्ने म्याग्जिन १ थान बरामद गरी गुरुङलाई समेत पक्राउ गरेको हो ।
पक्राउ परेका गुरुङमाथि हातहतियार तथा खरखजना सम्बन्धी कसूरमा अनुसन्धान प्रक्रिया अगाडि बढाइएको प्रहरी कार्यालयले जनाएको छ ।
